Umuhanzi Mukankuranga Marie Jeanne uzwi ku izina rya Mariya Yohana, agiye gufasha Abanyarwanda kwizihiza Umunsi Mukuru wo Kwibohora ku nshuro ya 31 abinyujije mu gitaramo yabateguriye kigamije gushimira Inkotanyi zabohoye igihugu.
Iki gitaramo cyiswe ‘Inkera y’Abahizi’ cyahujwe no kumurika album y’uyu muhanzikazi yise ‘Komeza Ibirindiro’, kizabera mu Intare Arena, tariki 3 Nyakanga 2025.
Mu kiganiro yagiranye n’itangazamakuru, Mariya Yohana yavuze ko iki gitaramo kigamije gushimira Perezida Paul Kagame n’Inkotanyi muri rusange.
Ni igitaramo azafashishamo n’abandi bahanzi barimo Tonzi, Butera Knowless, Junior Rumaga na Tom Close.
