Umuyobozi mukuru w’ikipe ya Gasogi United KNC yatangaje ko ikipe ya Rayon Sports itari mu makipe aha amahirwe yo kuzegukana igikombe cya shampiyona ndetse ko itazajya no muri eshatu za mbere.
Perezida w’ikipe ya Gasogi United, Kakooza Nkuliza Charles (KNC), yerekanye ko hari ibibazo bishobora kuzatuma Rayon Sports itabona n’umwanya wa gatatu birimo ibyo kujagarara ku isoko ry’abakinnyi.
Yabigarutseho ku Cyumweru tariki 31 Kanama 2025 nyuma y’uko ikipe ye ya Gasogi United yari imaze gutsindwa na Mukura VS igitego 1-0 mu mukino wa gicuti wabereye kuri Kamena Stadium mu karere ka Huye.
KNC yavuze ko kuba ikipe ye izaba ikoresha abakinnyi biganjemo abakiri bato mu mwaka utaha w’imikino nta bwoba bimuteye kuko nta kipe yigeze ikinisha abakiri bato mu Rwanda ngo imanuke.
