Ikipe ya APR FC yerekanye Umunya-Burkina Faso Raouf Merel Dao nk’umukinnyi wayo mushya nyuma y’uko Singida Black Stars yo muri Tanzania yemeje ko yayisinyiye.
APR FC yatangaje uyu musore w’imyaka 21 y’amavuko ibinyujije ku mbugankoranyambaga zayo aho yavuze ko inejejwe no kumwakira mu muryango mugari wayo.
Yagize iti” APR FC inejejwe no kwakira Dao. R Memel mu muryango mugari wa APR FC.”
Raouf Merel Dao, yakiniraga AS Sonabel iwabo yagezemo mu mpeshyi ya 2024 avuye muri Kadiogo, ayivuyemo muri shampiyona ya 2024-2025 yarakinnye imikino 29 yatsinzemo ibitego bitanu anatanga imipira itatu yavuyemo ibitego.
Dao wahembwe nk’umukinnyi mwiza wa shampiyona ya Burkina Faso 2025-2026, akinira ikipe y’Igihugu ya Burkina Faso aho anaheruka kugaragara mu mukino wa gicuti iki gihugu cyatsinzwemo na Tunisia 2-0 yanabanje mu kibuga, tariki 2 Kamena 2025.
