Nkuko Isi yose hamwe n’Abanyarwanda bakiri mu gikorwa cyo kwibuka jenoside yakorewe abatutsi 1994 kimara iminsi 100 no mu batuye mu Bushinwa byumwihariko muri RCA-Guangzhou bari gutegura iki gikorwa kizaba muri uku kwezi.
Iki gikorwa kizaba ku wa 25 Mata 2026, kibere muri Garden Hotel n’ubundi ibarizwa mu mujyi wa Guangzhou.
Abanyarwanda baba mu Bushinwa babiteguye barakangurira n’abandi bari hafi yaho kuzaza kwifatanya nabo muri icyo gikorwa cyo kwibuka ku nshuro ya 32 jenoside yakorewe Abatutsi 1994.
Ababiteguye bagize bati “Ni umwanya wo kunamira no guha icyubahiro inzirakarengane zazize Jenoside yakorewe abatutsi 1994, kwifatanya nk’Abanyarwanda, no gukomeza gusigasira amateka yacu kugira ngo bitazongera kubaho ukundi, twese hamwe, dushyize hamwe umutima n’ubumwe, twibuke twiyubaka.”
Iki gikorwa kizatangira kuba ku isaha ya saa kumi n’ebyiri z’umugoroba.
