Umukinnyi ukomomoka muri Misiri, Mohamed Salah yasezeye ikipe ya Liverpool azavamo mu mpera z’umwaka w’imikino 2025-2026 nyuma y’imyaka icyenda ayikinira.
Ibi Mohamed Salah yabitangarije mu mashusho yanyujije ku mbugankoranyambaga ze.
Yagize ati “Mu byukuri, umunsi wageze. Iki ni igice cya mbere cyo gusezera kwanjye. Mu mpera z’umwaka w’imikino nzava muri Liverpool.”
“Ndatangira mvuga ko ntigeze ntekereza uburyo iyi kipe, uyu mujyi wa Liverpool, abantu bizaba igice cy’ubuzima bwanjye. Liverpool ntabwo ari ikipe gusa. Ni urukundo, ni amateka, ni umuryango ntashobora gusobanurira mu magambo umuntu wese utagize iyi kipe.”
Mohamed Salah wageze muri Liverpool mu 2017 avuye muri AS Roma yaherukaga kongera amasezerano y’imyaka ibiri yari kuzarangira mu mpeshyi ya 2027.
Mohamed Salah wafashije Liverpool gutwara Shampiyona y’u Bwongereza mu 2020 yari imaze imyaka 30 idatwara ndetse na UEFA Champions League yatwaye mu 2019. Gusa yaje kugirana umubano mubi n’umutoza Arne Slot yafashije gutwara igikombe cya shampiyona 2024-2025, atangira kujya amubanza hanze y’ikibuga.
Kugeza uyu munsi myaka icyenda Mohamed Salah amaze muri Liverpool amaze gukina imikino 435 yatsinzemo ibitego 255 agatangamo imipira 122 yavuyemo ibitego byatsinzwe na bagenzi be.
Ibi byose yakoze muri iyi myaka byatumye afasha Liverpool kwegukanamo ibikombe icumi(10) birimo Shampiyona ebyiri yatwaye 2019-2020 n’iya 2024-2025, Igikombe kiruta ibindi ku mugabane w’i Burayi yatwaye mu 2019 nyuma ya UEFA Champions League yatwaye n’ubundi muri uwo mwaka.
Ibi bikombe kandi byiyongeraho, Igikombe cy’Isi cy’amakipe yatwaranye na Liverpool mu 2019, FA Cup batwaye mu 2022, Carabao Cup ya 2022 na 2024, ndetse na FA Community Shield nayo yo mu 2022.
Ku giti cye kandi Mohamed Salah yatwaye ibihembo bibiri nk’umukinnyi mwiza w’umwaka muri shampiyona 2017-2018 na 2024-2025 mu gihe yanabaye umukinnyi mwiza w’ukwezi muri iyi shampiyona inshuro zirindwi.
yegukanye ibihembo bitandukanye, birimo kuba inshuro enye umukinnyi watsinze ibitego byinshi muri shampiyona y’u Bwongereza 2017-2018 atsinda ibitego 32, 2018/19 atsinda ibitego 22.
