Ishyirahamwe ry’Umupira w’Amaguru ku Isi, FIFA, ryafatiye ibihano amakipe 14 arimo Rayon Sports kubera abari abakozi ba yo bayareze bayashinja kudashyira mu bikorwa amasezerano impande zombi zari zaragiranye.
Kuri uyu wa Kabiri, tariki ya 11 Ugushyingo 2025, ni bwo hamenyekanye amakipe 14 yafatiwe ibihano na FIFA kubera amakosa aya makipe yakoze yo kwirukana abari abakozi ba yo mu buryo bunyuranyije n’amategeko. Aya makipe yabujijwe kwandikisha abakinnyi kugeza igihe azabanza gukemurira ibibazo afitanye n’abayareze.
Rayon Sports iherutse kuregwa na Robertinho wari umutoza wa yo, na yo yabujijwe kwandikisha abakinnyi kugeza igihe izakemurira ikibazo ifitanye n’uyu mutoza wirukanwe mu buryo bunyuranyije n’amategeko.
