StarTimes yatangije ku mugaragaro igihe gishya cya filime mbarankuru yiswe “A Glimpse of China in the New Era”, igamije guha abareba televiziyo uburyo bushya bwo gusobanukirwa umuco, ubuzima n’ubwiza bw’igihugu cy’u Bushinwa, binyuze mu maso y’abanyamahanga bahatuye.
Iyi filime yerekanwe kuva muri Nzeri kugeza mu kwezi kw’Ukwakira kuri shene za televiziyo nka ST Zone, ST Novela E, ndetse no kuri Apurikasiyo ( application )ya ya StarTimes ON.
Intego yayo ni ugukomeza gushimangira umubano n’ubusabane hagati y’u Bushinwa, Afurika n’ahandi ku isi, binyuze mu gusangira umuco n’ubunararibonye. Iyi filime mbarankuru ikurikiranwa n’Abanyafurika n’abandi banyamahanga barimo abahanzi, abashoramari n’abakunda ibidukikije basangiza abareba ubuzima bwabo bwa buri munsi, imirimo yabo n’uko basobanukiwe n’igihugu cy’u Bushinwa muri iki gihe gishya cy’iterambere.
Binyoze mu maso yabo, abareba bazagira uruzinduko rw’imvaho mu Bushinwa, basura ibice bitandukanye by’igihugu nka Taizhou yuje ituze, Chongqing yuzuye umuvuduko, Chongzhou itatse amateka, Fujian ifite umuco w’inyanja, ubutaka bwa kera bwa Dunhuang, ndetse n’umusozi wera wa Wudang.
Film A Glimpse of China in the New Era irenga kure imijyi minini izwi y’u Bushinwa, igaragaza ubwiza n’ubwuzuzanye bw’umuco n’imibereho y’abaturage hirya no hino mu gihugu. Igaragaza kandi uburyo abanyamahanga babonye amahirwe n’ihumure muri uru rugendo rw’impinduka n’iterambere ryihuse.
“Abareba iyi filime ntibazabona gusa inkuru zisesengura umuco w’abantu b’ingeri zitandukanye, ahubwo bazunguka n’ubumenyi bwimbitse ku gihugu cy’u Bushinwa binyuze mu maso y’abanyamahanga bahatuye,” nk’uko byatangajwe na Lizzie LYU, Umuyobozi Ushinzwe Ubucuruzi muri Rwanda StarTimes. “Ni urugendo rw’uburezi n’amasomo, ariko kandi ni n’uburambe budasanzwe bw’amaso, butanga uburyo bushya bwo gusangira umuco hagati ya Afurika n’u Bushinwa.”
Uretse kuyerekana kuri televiziyo, StarTimes inashyigikira ibikorwa byo hanze y’itangazamakuru byahumekejwe n’iyi mbarankuru birimo ibikorwa by’imiryango n’ibikorwa by’ubusabane bigamije guteza imbere umuco, ibiganiro n’ubufatanye. Binyuze mu nkuru zishingiye ku kuri n’amashusho y’ubwiza budasanzwe, A Glimpse of China in the New Era ni ishimwe ry’ubumwe, ubushakashatsi n’ubutwererane buhuriza hamwe abantu bo ku mugabane wa Afurika n’u Bushinwa.
