Filime “My Father’s Shadow” yegukanye ibihembo bitatu

Filime ‘My Father’s Shadow’ ikorerwa muri Afurika ni imwe mu zikomeje kwigarurira isi yose.

Mu ijoro ryaraye ritambutse, yegukana ibihembo bitatu muri Africa Magic Viewers’ Choice Awards (AMVCA) muri Nigeria harimo ibya filime nziza (Best Movie), icy’uwayoboye filme neza (Best Director) na filime yanditse neza (Best Writing).

Yayobowe na Akinola Davies Jr, maze itsinda izindi filime zirimo The Herd, The Serpent’s Gift na Gingerrr.

Iyi filime ivuga ku kwibuka urukundo rwa se, gutandukana no kumubura, kandi yakoze amateka iba filime ya mbere yo muri Nigeria yatoranyijwe ku mugaragaro mu iserukiramuco rikomeye rya Cannes Film Festival mu 2025.

Yagiye yerekanwa muri sinema zo muri Nigeria no mu Bwongereza n’ahandi ku isi.